Tulauega toe foi mai

Sina

O le ulugalii a Sina ma Tulauega o se ulugalii e mafana. O se mafutaga e tumu I le fiafia ose mafutaga e tumu I le alofa. O Tulauega e iai lona uso matua e igoa ia  Tulifau. E talu mai le amataga o le ulugalii a Sina ma Tulauega, e moomoo lava ia Tulifau i le fia pa’i atu ia  Sina. Ua alu aso ae sau aso o loo manao pea le alii lenei o Tulifau i le ava asi ona uso laititi o Tulauega. Ua leva ona taupulepule Tulifau ise ala e faamuta ai lenei mafutaga ua faavae i le alofa.

O’o loa i se tasi aso, ua usu po lava Tulifau e faaoso se la faiva e alu masi ona uso. E alu atu la Tulifau faatoa ala mai Tulauega ae o la e fai lava le moe a Sina. Na le fia alu Tulauega ae o le faatauanau atu a lona uso o lea ua malie ai o le a la o. Na ala mai Sina ua tauautilo poo fea o iai Tulauega. Na maua mai e Sina Tulauega o loo i fafo o le a sauni e alu.

“Tulauega o fea a e usu po iai?”

“Sina o lea o le a ma o ma Tulifau e fai se ma faiva.”

“Ua sauni la se lua mea ai ma se lua vai e inu.”

“Lou au aua ete popole ua uma ona sauni uma e Tulifau na mea uma. Ae vaai oe Sina e iai lava ou faalagoga o le a iai se mea o le a tupu. Ae vaai oe nofo ma mata’i galu o le aau. A fati sisina galu o le aau o lona uiga o lae oute ola. A fati tototo galu o le aau. Sina o lona uiga eli se pu.”

“Se e ese lava a oe tala.”

“Sina ete manatua foi na ma aumoe atu ma Tulifau ia te oe.”

“Ioe e le mafai ona galo ia te au lena aso, e a?”

“Oute iloa o loo iai pea lona agaga e fia mafuta ma oe.”

“Se Tulauega aua ete faia mai na tala oute masalosalo ai. Afai o lena alu ifo ete malolo aua ete alu i na faiva. Fai i lou uso e alu ia e su’e seisi e late o.”

“Sina a e lo’u au tali mai o le a sii lou vaa I le tai. Tagai  pea lau silasila peau e fati sisina. Aua nei fati toto, le la se aua nei goto le mafutaga ia popo teu ita isi ou loto. Sina lau pele sau ia sei ta faamavae.”

“Tulauega a e alofa ia te a’u toe foi mai. Ia manuia le faiva”

Na tuua nei e Tulauega Sina i le la fale ae alu e faafetaui Tulifau. Na nofo nei Sina ma lona le mautonu ma ua ia tagi tautala ma ia faapea mai. “ Matamatagi aua nei agi mai. Faalaulau peau o le sami lou au ta fia vaai. Galu fatu sisina sei tau mai ia ita lou au toe foi mai ou nei lima. Aua nei fati toto le la se aua nei goto Tulauega lou au aua gei uli goto.”

“Auega Auega o fea ea oe a fiu e faakali oe ae o ai ga eke kaumagaku iai”

“Se o lea ea le mea e pisa ai soo lou guku, a leai sou koalua ga aua laia eke pisa.”

Faimai ua alu nei le faiva a Tulauega ma Tulifau. Ua alu le aso ma ua mamao tele i tai le va’a, ma ua faalogaina e Tulauega lona le lava. Ua ia tauanau atu ia Tulifau e late o ia ua lava nei i’a ua maua.  Na fai ifo nei iai Tulifau se e leai e lei taitai lava se aso. E lei taitai tumu le ola ini i’a. Na toe faaauau nei le faiva. Ua alu alu le faiva ua oso ifo lava le iva male le lava o Tulauega. Na toe faiatu nei i lona uso, se Tulifau se alofa mai ua lava na i’a ua sau lota le lava. Na malie nei Tulifau o le a la toe foi, ae sei fai muamua se la mea ai ona la toe foi lea. Na faiatu nei ia Tulifau ia sapo mai lau fasi ulu lea. Na togi mai nei e Tulifau le fasi ulu e lei au lana togi. Na le mafai ona sapo e Tulauega ua pau i le sami. Na faiatu nei Tulifau oso e aumai le ulu. Na musu Tulauega ae ee mai iai Tulifau. O lea na oso ai Tulauega e aumai le fasi ulu, na tei Tulauega i le mau o le tao i lona tua. Na ata sasae Tulifau ua uma le ola o lona uso. Na toe foi nei Tulifau ma le tala faanoanoa.

Na iloa mamao mai lava e Sina galu ua fati tototo.  “Oi Tulauega lou au e, sei vaai atu ia ua fati tototo mai galu o le aau. Tulauega toe foi mai ia te au. Aisea ea ua tupu ai lenei mea ia te a’u. Oi Tulauega  la’u manamea toe foi mai ia te a’u. E makuai faigaka legei mea ua ka oo iai. Talofae ia Tulauega lou au”

Na vaai atu nei Sina ua sau Tulifau ua mata faanoanoa mai. “Talofa lava Sina, ua ou iloa ua e taliga atu i le ma faiva ma si ou uso. Sina ia malie lou loto i le mea ua tupu. Ua uma au taumafaiga e lei faasaoina o ia.”

“E leai Tulifau oute le fia faalogo atu i se tala e oso mai i lou gutu. Alu ese atu nei lava i fafo ma lo’u fale.” 

“Se e leo au o lona ga’o mea ai lava na oso ai i lalo.”

“E leai Tulifau, o lena lava ua faataunuuina le mea na e mana’o ai. Na e mana’o lava e oti Tulauega. Alu ia ua tiga ou mata ia te oe. Alu ia i fafo.”

“Sina na oti lava Tulifau ae o lona fanoga ia ta nonofo. Sau loa Sina e tate nonofo.”

“Tulifau o lea lau tala na faiatu oute le fia faalogo i sou leo. Alu i fafo ma lou fale semanu oute lei togia oe i le ala lea.”

“Sina se ua ta fia moe lava i ou autafa. Ua fia avea au ma au manamea. Sina faamolemole talia mai lou fanoga. Se Sina faamolemole a e alofa ia Tulauega avea au e fai ma au manamea.”

“Tulifau alu i fafo oute le manao ia te oe.”

Ua tuua nei e Tulifau le fale o Sina ma lona loto ua gau. Ua faanoanoa ina ua ia iloaina e leaga lana mea na fai. Na tagi tautala nei Sina ma tauvalaau:

“Oi tafefe, talofa e ia Tulauega si ou au. I’a e o le sami, manu e o le vao sei tou saili maia lau Tulauega. E toe avea ma au manamea.” 

Na lagona mai nei le atua o le sami ma le atua o le vao le faatauanau atu a Sina. Ona o le tumu tele o le alofa o Sina ia Tulaega na malilie ai i nei atua o le a la faaolaina mai Tulauega. Ao tagi talatala lava Sina na ia faalogoina ai le leo o Tulauega o tauvalaau mai ia te ia.

“E pei uma lava o le leo lena o Tulauega o tauvalaau mai ia te a’u.”

“Sina, Sina, Sina lou au.”

E fetaui lava le ea a’e o Sina ma ia vaaia ai Tulauega o loo savali mai ia te ia.

“Oi lau Tulauega e, faafetai ua e toe foi mai.”

Ia o le tatou tala lena atonu ua tofu tatou ma se aoaoga ua maua mai ai. Ose tasi lenei o tala na masani ona faamatalaina mai e lou grandma i aso o matou iti.  Ia e tofu lava i tatou ma sina aoaoga e tatou te maua mai ai.

The following two tabs change content below.

teineolesegaula

Born and raised in American Samoa, left the island in 1997 and now im here in hula-land.

Latest posts by teineolesegaula (see all)

5 thoughts on “Tulauega toe foi mai

  1. I love the song especically, the one that tells the story ABSOLUTELY LOVE ET!

    Tulauega:
    Sina e, lo’u au tali mai
    O le’a si’i lo’u va’a i le tai
    Taula’i pea lau silasila
    Le galu e, ia fatisisina 🙂
    Aua ne’i faitoto 🙁
    Le la aua ne’i goto :'(
    Le ta mafutaga ia popo
    Teu pea ita i lou loto

    Sina:
    Matamatagi aua
    Aua ne’i agi mai
    Fa’alaulau pe au
    Lou ata fia vaai

    and then something else along those lines . . . . lol but I LOVE THAT STORY AND SONG 🙂 so sadddd :'(

  2. I loooooove it!
    oh my gosh..it felt like for me, reading my grandfather’s journal. he has this journal of all these samoan legends..stories..love stories..ghost stories..u name it, its in there. before he passed on, he made that each of his children had a copy of it. my fathers copy, i have it. its been awhile since ive gone thru it. its about time to bring the big fat journal down and have another go thru with it. =)

Say something...