O LE ULUA’I TAUA – O LE TALA I LE TAUA O LE AU USO

Na uma le mavaega a le alii matua o Pili i ona atalii, ona taitasi lea o le tama ma lau i le vaega o Upolu (po o Manono) ua tofia i ai.  Sa tausia pea i nisi tausaga lo latou fealofani ma le filemu i le va o o latou itumalo.

Ae peitai, na maliu loa lo latou tama, ona amata lea ona tauaimisa i le taufai fia faalauteleina o laueleele o latou itumalo.  Aua e le’i iloga ona faasinoina ni tuaoi i le mavaega a Pili, o le ala lea ua fetaufaoai ai.  Na vave on tupu le taua i le va o Saga ma Ana.  O le taua muamua na toilalo leaga ai Ana, ona tauto ai lea o le a taui ma sui.

O le mea lea na ia alu ai i lona uso o Tua ua tagi i ai i lona puapuaga.  Na vaai atu Tua i le foafoa o le ulu o Ana ma le lava toto o ona mata i tu’i a Saga, ona ia fai mai lea ua lelei o le a ia fesoasoani mai ia te ia pe a toe tupu se faalavelave.

E le’i leva atu, ae tupu loa le taua.  Ua au Atua ma Aana e faasaga ia Tuamasaga ma Manono.  Sa tau pea lenei taua i nisi masina, e toatele na maliliu i itutaua uma e lua.  Na i’u faaletonu lena taua, e le’i iloga se itu ua manumalo, ae ua toe iu ina maua le filemu.  O le taua lena ua ta’ua o le “Taua o le au uso.”

Talu mai ai lava lena ulua’i taua, e au faatasi pea Atua ma Aana e faasaga ia Tuamasaga ma Manono ma se vaega tele o Savaii.  E le’i tele ni tausaga na mavae talu mai lena ulua’i faiga Malo i Upolu, ae osofia mai loa Samoa e Toga, sa taitai mai ai le alii o Asoaitu, ona avea lea o le mamalu o e na pulea Upolu ua toilalo lava.

O ona po o Pili ma ona atalii, sa soifua latou i le va o tausaga o le 850 ma le 950.  O Fitiaumua sa pule i Samoa i luma atu o na tausaga.  A o tua mai o le 950 na o mai ai Toga i Samoa ma nofoia ai sei’a oo i le 1250, ona tulia ese ai lea mai Samoa i Sisisfo e Tuna ma Fata, ao Fuaautoa na ia tulia ese Toga mai Tutuila.

O ona po o Pili, ai lava na o Samoa i Sisifo sa faasino i ai le igoa Samoa.  I le ma lea, o le igoa “tui” – tupu – o le upu Toga, o lea ua i ai le manatu, o ao ia o Tuiaana ma Tuiatua, na aumaia e Asoaitu le ulua’i Tuitoga.

Ua tatou maua foi, e tele tausaga sa avea ai Manu’a ma laumua o se malo tele faaPolenesia, sa aofia i ai e le gata ia Samoa uma, ao le tele foi o isi atunuu o paepae mai.  O se malo tele faapena, sa le mafai on pulea lelei e se tupu e toatasi.  O le mea lea, tatou te iloa gofie ai, na tauauau malie atu ina fai lava malo o isi vaega o lena malo tele, a ua le tasi i Manu’a.

Ua tatou maua i le Tala faasolopito o Toga, fai mai o “Ahoeitu” o le alii Togatapu, o ia na muamua ona tetee e le toe faitaulaga ia Fitiaumua.  Ona avea al lea o ia ma ulua’i Tuitoga.  Po o le tausaga e 950 na tupu ai lea mea.  O le tupu lava foi lea na ia faamalosia tagata o Niue, Uea, Futuna ma Rotuma ia faitaulaga atu ia te ia i tausaga uma.

Na mavae ni nai tausaga, ona faatoilaloina lea o Samoa e lena lava alii o Asoaitu, ma ua nofoia ai.  Ae ui i lea, e leai se tala ua maua faapea na osofia Manu’a e tagata Toga.

Fai mai o le ta’u faatoga o le igoa o Samoa (Haamoa) na faatoa faaaoga muamua lava ina ua faatoilaloina Samoa e Asoaitu.  Ao luma atu o na aso, sa ta’u lava latou e tusa ma le motu o lo o mau ai, faapea: tagata Upolu, tagata Savaii, po o tagata Tutuila.  O lea la, o le igoa Haamoa sa le aofia ai motu o Manu’a.

Sa tu pea le malo o Toga i tausga pe 500, o le amata mai lea i le 950 e oo i le 1450 (po o le amata mai ia Ahoeaitu e oo ia Takalaua).  O Tupu Toga muamua sa pule i Samoa, e le taumate o alii agalelei ma le atamamai aua sa lelei a latou faiga i tagata Samoa, e seasea ai ona lagona e le toatele le fia tete’e atu o Tuitoga.  Ae ui i lea, ua oo mai i le 1250, ua avea Talaaifeii (Talakai faiki) ma Tuitoga, ona ese lea o le tulaga ua oo i ai.  O le tupu lea, fai mai o le toa malosi toe loto fefete, e faalealofa ma e faasaua, aemaise lava i tagata Samoa.

O le mea moni lea, ua avea lona saua ma mea e soosoo malie ai Samoa se’ia oo ina aufaatasi ma laga loa e pei o le tagata e toatasi ia tetee Talaaifeii.

O lena taua tele, o le tasi lea o mea pito taua ma le lagona loloto ia Samoa, e ui ina ua tele tausaga talu ai, ae le galo lava.  O le taua la lena, le taua o Toga – o le ulua’i mea faailogaina mautinoa lea, o le ma lea, na maua ai ia Samoa le faasologa tupu fou o le Malietoa.

Ia manuia lau faasausauga Samoa.

 

6 thoughts on “O LE ULUA’I TAUA – O LE TALA I LE TAUA O LE AU USO

  1. Manaia le faasoa mai o lou finagalo,e malamalama ai lou finagalo i se mea e le o sao ma e le o lelei ona faamatala mai,,aua o tala faasolopito lava na o Samoa ia.
    Ae faasoa mai la lou finagalo, ae aua le taufaifai faapena. Sei o matou faalogologo atu iai i au foi motuga’afa, po’o o le a le eseesega o lou finagalo ma le faasoa mai foi a sia foi Uso. Aua o upu a Samoa, e tonu lava le tagata i ona lava manatu, Ae o le fefaasoa’ai e maua le mea lelei, ma le tonu ma le sao.

    Manuia lau faasausauga Samoa.

  2. e taua ona tatou suesueina pea le talaaga o samoa I lona tala faasolopito, vaai tatou lea e talanoa I luga ole website, ole tatou vaa e fau faatasi, a faalogo atu le isi tagata e sese le isi tagata ona fesoasoani lea iai, ae le ole faifai upu iai e iloa le vaivai ma le valea. o matou lea e laiti e fia iloa le talaaga o samoa, ao lea tou te fetauai o lona uiga e leai a la se isi o outou e malamalma ai, ae lelei ona fesoasoani le tasi ile tasi, aua e leai lava se atoaga ise tagata. faafetai manuia le sailiiliga. soifua.

  3. Se sei tau maua mai tatou i le loto maualalo ma le loto pulea, sei tulou lo’u manatu. E afe ma afe le mamalu o le atunu’u o lo’o maimoa ma faitau atu, a’o lea lua taufinau mai fa’apena. Its fine to be critical but lets not dwell on it. I’m sure alot of people have their own versions but, you know, ana ou le fiafia e faitau ai, ailoga ouke kusia legei magaku. Faamalosi mai o lea e lelei mea uma. Manuia le faasausauga

  4. Uso, o le upu faasamoa, “e mau e faalele, mau e maitau” this is from the “Tala Faasolopito o Samoa” that was written by Alii Felela Henry and translated by Faifeau T.K. Faletoese a well respected faifeau in Samoa back in the days. And you have the uneducated mouth to say all those rubbish and called this piece of the talafaasolopito “full of bullshits”? ia tautala ma le migao ma le faaaloalo. i have lots of alii ma tulafale that i have shared these writings with and they all agree and respected these writing. So who are you to open your mouth and disrespect these stories? So do you have a satisfied and not full of bullshits version of this story? if you have, then please share it with us but if you don’t have it, then do yourself a favor, just SHUT THE HELL UP ma alu e pulou lou ieafu ma le povi.

  5. e le o atoatoa ona lelei le faamatalaina poo le faaupuina o nei tala pe afai o se tala moni poo se tala faasolopito ,e sili atu pe sili faaafe atu le faamatalaina e lou faiaoga o le gagana samoa o tala ia nai lo le mea o loo i luga o lenei website,talosia pe afai e le o mea ia o loo aoaoina i universities i samoa ,i mean ,these are more like fairy tales,come on ,we are talking about the history of samoa,is this ur own version of the history or not?silafia, a e faamatalaina se tala poo se mea na tupu ,ia e faaeteete nei tei ua le sao pe le uma,taumafai e faamatala atoa,e le o tamaiti uma tagata e faitau pe faalogologo i lau tala,this is an incomplete ,unsatisfied and full of bullshits kind of thing,o Dr Kramer he researched the samoan history and wrote a couple of books about it ,and now look who translated it,how can a palagi come to samoa and write about the samoan history and a samoan person translated his own history into his own language,come on,so so not on in my mind,doesnt make sense to me.man this is meaningless, nevermind,sorry ou te le faailoga lanu,
    samoa o fea o i ai oe ? please help this man n his website n his stories.thanx ,

  6. so cool…faasamopa stories beat the heck of everything u knw…we rock we roll and we stomped…lol

Say something...