“E le So’oga Ka Oe!” E iai Tulafono o le Pe’a… (pt 1)

tatau one samoana

Maliu mai, Tatala mai a’ao, le mamalu o le Tatou aiga fa’aleTasiSamoana…

Aemaise paia o taitai au ma le taitai komiti

O le mataupu lava lea, e le o se mataupu faigofie… a’o e fai mo se fesoasoani i tagata olo’o fia laei i le tatau… poo latou foi oloo fia pa’u ia te latou i se malofie faasamoa… ae Fa’amalo atu le Silasila! Faamalo Fa’afetai!

I lo’u talitonuga o le Malofie poo le Tatau o Samoa o se Galuega faigata toe manaia ae le gata lea o se aganu’u taua ma se faailoga matagofie mo le tupulaga o Samoa olo’o fia maua se latou tofi i totonu o aiga ma malo faaleatunu’u poo le malo faalematai olo’o iai totonu o nu’u uma lava o Samoa nei…

O le mea ua faigata le Malofie aua e tigaina tele… ae le gata lea e toe faigata ona taia se tagata ae le lelei se fa’asamoa… e faapea foi le isi upu fa’asamoa… “E le So’oga Ka Oe!” e faatatau i se tagata ua taina le tatau ae leiloa lelei se fa’asamoa ma ua le masani foi i feau ma matafaioi faalesogaimiti…

ia o le ala lea ua ou taumafai atu lenei blog… ia fai ma se fesoasoani mo latou olo’o fia ta latou pe’a atoa ma a’u fo’i ua leva na ou fia ta sa’u pe’a ae ua fa ia te a’u e le lava se fa’asamoa lenei ma ou saili atu le tomai ia faalava ai… afai iai so’u gagana ua sese poo se manatu ua faaletonu aua le faatelegese ae sao ia faatonu mai ina faaleleia le faamoemoe lenei ma faataunu’u i se faaiuga manuia… Fa’amolemole lava faatilotilomasae mai… ua ou fia maua masei uma olo’o iai e faamoemoe i le faaleleia o le aganu’u faamolemole fa’afetai!

Ia… ae ui lea… Masalo e tatau ona amata mai i le faamatagi… o le pese lea poo le viiga foi o le Tatau e faamatala ai mea uma e uiga ai ia le tatau…. e amata mai i le tala o fafine toalua mai i fiti na feausi mai ma le ato autapulu fa ia te a’u e fa’apena foi le ipu lama…. ae iu lava ina laulau mai o teuga o le pe’a pei o le selu ma le atualoa…. ia tatou silasila atu i le pese ma tatou faaauau ai lea…

O Le Vi’i po’o le Pese o le Tatau…

“O le mafuaaga lenei na iloa
I le ta’aga le tatau i Samoa
O le malaga a Fafine e to’alua
na feausi mai fiti i le vasaloloa

Na la aumai ai o le ato au
Ma si a la pese e tutumau
Fai mai e tata o Fafine ae le tata o Tane

O le ala na tata ai Tane
Ona ua sese si a la pese
Taunu’u i gatai o Falealupo
Ua vaaia loa o le faisua ua tele

Totofu loa lea o Fafine
Ma ua sui ai si a la pese
Fai mai e tata o Tane
ae le Tata o Fafine

Silasila i le tama ua ta’atia
Ma le tufuga lea ua amatalia
Talofa ua tagi aueue
ua oteote solo i le Autapulu tele

Sole, sole ia e loto tele
O le ta’aloga faatamatane
e ui lava ina tiga tele
Ae mulimuli ane ua e fefete

O Atunu’u uma o le Pasefika
E sili Samoa le tauta’ua
O le Sogaimiti ua Savalivali mai
Ua Fepulafi mai ana Fa’a’ila
O aso faaifo, faamuli’ali’ao
Faaatualoa, selu, faalaufao
O le sigano faapea faaulutao
Ua ova i le vasa laolao”

ia ina ua tatou silasila atu i le pese lea e manino lelei mafuaaga o le taaga tatau o Samoa… ae ui lea ou te faamatala atili….

LINK TO PART II

7 thoughts on ““E le So’oga Ka Oe!” E iai Tulafono o le Pe’a… (pt 1)

  1. Tatau Samoa -- The Samoan Tatoo Song

    O le mafua’aga lenei ua iloa
    O le taga o le tatau I Samoa
    Ole Malaga a teine e toalua
    Na fe’ausi mai I Fiti i le vasaloloa

    Na la aumai ai o le ato au
    Ma si a la pese e tutumau
    Fai mai e tata o fafine
    Ae le tata o tane

    2. A o le ala na tata ai o tane
    I na ua sese si a la pese
    Taunu’u I gatai o Falealupo
    Ua va’aia loa o le fai sua ua tele

    Totofu loa lea o fafine
    Ma ua sui ai si a la pese:
    Faimai e tata o tane
    ‘Ae le tata o fafine

    3. Silasila I si tama ua ta’atia
    O le tufuga lea ua amatalia
    Talofa ua tagi aue aue
    Ua oti’oti solo o le ‘autapulu tele

    Sole sole ia e loto tele
    O le ta’aloga fa’atamatane
    E ui lava ina tiga tele
    Ae mulimuli ane ua e fefete

    4. O atunu’u uma o le Pasefika
    Ua sili Samoa le ta’uta’ua
    ‘O le sogaimiti ua savalivali mai
    Ua fe’iafi mai o na fa’a’ila

    O asofa’aifo, fa’amuli’ali’ao
    Fa’aatualoa, selu fa’alaufao
    O le sigano fa’apea fa’aulutao
    Ua ova I le vasa laolao

    This is the origin as known
    The beginning of tattooing in Samoa
    The journey of the two females
    Who swam from Fiji across the ocean

    With a basket of tattooing tools
    Chanting an unchanging tune
    That the female must be tatooed
    But the male must not be so

    The reason why men received the art form
    Because their chanting song went wrong
    Arrived at lagoon of Falealupo
    They spotted a shellfish extremely large

    The women dove and when they emerged
    With their song sung in reverse
    They sang the men must be tattoo
    But the women must not do so

    Observe the young man lying down
    As the tattoo artist begins to strike
    Alas! hes crying bitterly
    For the big autapulu cuts through him deep

    Young man be brave and daring
    It is a game for galliant men
    Although it is extremely painful
    But afterwards you’ll be elevated

    Of all the islands in the pacific
    Samoa is highestly acclaimed
    A soga’miti is passing by
    His tattoo motifs are glaring and bright

    The curving rafters and trochidae shells
    Leaf motif combs as centepede
    The sigano also the spear like head
    You’re high above the vast ocean

  2. ua taliga fialogo le mauga a salafai ma iloilo le mafuaga ole uiga ole tatau ma o lou fiamalamalama atili poo fea tonu lava na maua ai le mafuaga ole pea?

  3. Malo Sonya
    Sao lelei oe, o le Pe’a, o le aganuu a Samoa, o aso ia, e sa ona e solia le Maota o o se fonotaga a le Afioaga, pe’a leai sau pe’a, e taua tele le tagata e iai sana pe’a
    po’o o se Malofie, e le gata i le tau tuina o le alofi o Tamalii ma Faleupolu, ae o soo se vaega, o le aganuu, e pei o le lauga,folafola ava, o le faiva lena o le sogaimiti, ae fua lava i lou fofoga, e pei ona fai mai Sonya, e ta le pe’a, ta foi ma le gutu, ona manaia lea, Aua o le mamalu ia ae tulai mai se tulafale e lauga ae e iai sana Malofie, faaopoopo iai ma lona fofoga e atamai i le aganuu,ua atoa mea uma. Ma e iloa lava le Samoa i lana Tatau po o le Malofie, aua e ese foi ma pe’a a Atunuu. E taua tele le tatau a Samoa i lana Aganuu.

    Faafetai lava le faasoa mai.
    God bless Samoa.

  4. faamolmole a pe mafai ona faamatala mai le uiga ma mafuaga o le tatau male uiga sa o mo tagata samoa. faamolemole.

  5. faamolmole a pe mafai ona faamatala mai le uiga ma mafuaga o le tatau male uiga sa o mo tagata samoa. faamolemole.

  6. Talofa fo’i..

    O le mafua’aga lea e ta’u ai le tama i Samoa ole malosi ole aiga, aua e ta loa le pe’a avea loa o ia ma tagata e tautua mo le aiga…E manatua pea aso o o’u aoga i le gagana Samoa, na fa’ailoa uma ai ele faiaoga itu ta’itasi ole pe’a e pei lea ole fa’amatalaina o mamanu o le pe’a. E tele lava mamanu tofu fo’i ma lona uiga ese’ese. E le fa’apea ia tau ona ta le pe’a ona nofonofo lea ae ia ta le pe’a ma fai le faiva e ala i lona tautua fa’amaoni ma fai le fatu’aiga..

    Fa’afetai mo le avanoa e fa’asoaina ai fo’i na i manatu

    Soifua ma ia manuia tele lava..
    Vaimea

  7. Talofa lava
    Malo le soifua ma le lagi e mama.
    Ua atoa le tolu tausaga I le taimi na ta la’u malu.
    Ua leva lava na ou fia laei i mamanu o Samoa.
    O la’u talitonu, e tatau foi na ta le gutu, ma le mafaufau, ma le loto i tu Samoa.
    Ou te iloa e le sao foil au tusitusi I le gagana pele.
    Ou te taumafai ma taumafai e sue lava aulala e faamalosi lou gagana.

    Ta loa le pe’a, ua sau fo’i ma le loto toa e toaga lava i lo’u gagana Samoa.
    Ou te toaga fo’i e fa’amalosi lo’u itu tau gafa ma aiga.
    Ia manuia lava lou galuega I le upegatafaiilelagi.
    Ia viia Le Atua ma foai atu lana alofa

    Soifua
    Sonya

Say something...